Пайдаланушы келісімі

1. Тараптар және құжаттың мәртебесі

1.1. Осы Пайдаланушы келісімі (бұдан әрі – Келісім) «ALA INTERNATIONAL» жауапкершілігі шектеулі серіктестігі, БСН 250640012858 (бұдан әрі – Әкімшілік, Сайт иесі) мен go.ala.kz интернет-ресурсын пайдаланатын кез келген тұлға (бұдан әрі – Пайдаланушы) арасындағы қатынастарды реттейді.

1.2. Келісім Қазақстан Республикасы Цифрлық кодексінің 39-бабы 2-тармағының 1) тармақшасының мағынасында цифрлық объектіні оның меншік иесінің (иесінің) пайдалану шарттарын айқындайтын құжат болып табылады.

1.3. Сайтты пайдаланудың басталуы – кез келген бетті қарау, форманы толтыру, сілтеме бойынша өту, беру пункттерін іздеуді пайдалану – Келісім шарттарын толық және сөзсіз қабылдауды білдіреді. Егер Пайдаланушы қандай да бір шартпен келіспесе, ол Сайтты пайдалануды тоқтатуға міндетті.

1.4. Келісім еркін қолжетімділікте орналастырылады және жария құжат болып табылады.

2. Терминдер

3. Сайттың мақсаты және орналастырылған ақпараттың құқықтық мәртебесі

3.1. Сайт Әкімшіліктің халықаралық логистика, қоймалық өңдеу, кедендік ресімдеу және сауда инфрақұрылымы саласындағы қызметімен, көрсететін қызметтерімен және инфрақұрылымымен таныстыруға арналған ақпараттық-таныстырылым ресурсы болып табылады.

3.2. Сайт жария оферта болып табылмайды. Қызмет бағыттары, бағдарлар, мерзімдер, инфрақұрылым, құны мен шарттары туралы ақпарат анықтамалық (ақпараттық) сипатта болады және Қазақстан Республикасы Азаматтық кодексінің 395-бабының 1-тармағына сәйкес, егер тікелей өзгеше көрсетілмесе, оферта жасауға шақыру ретінде қаралады.

3.3. Қызметтер көрсету тараптар жазбаша немесе электрондық нысанда келіскен жеке жасалатын шарт негізінде ғана (көлік экспедициясы, тасымалдау, қоймада сақтау, қызметтер көрсету шарты) жүзеге асырылады. Шарттар, мерзімдер, құны, жауапкершілік, наразылықтарды қою тәртібі және өзге де елеулі шарттар осындай шартпен және оған қосымшалармен айқындалады.

3.4. Сайттан қолжетімді калькуляторлардың және өзге де автоматты құралдардың көмегімен алынған есептеулердің нәтижелері алдын ала сипатта болады, Пайдаланушы енгізген деректерге негізделеді және тараптардың міндеттемелерін туындатпайды. Түпкілікті құн жүктің, бағдардың параметрлері, қолданылатын баждар, алымдар мен тарифтер тексерілгеннен кейін айқындалады.

3.5. Қоймалардың, беру пункттерінің, елді мекендердің, қызметкерлердің саны, мерзімдер және өзге де көрсеткіштер туралы мәліметтер жариялау күніне жағдай бойынша келтіріледі және алдын ала хабарламай өзгеруі мүмкін.

3.6. ALA Insight бөлімінің материалдары және өзге де талдамалық жарияланымдар ақпараттық сипатта болады, кәсіби консультация (заңдық, салықтық, кедендік, қаржылық) болып табылмайды және шешім қабылдау үшін бірден-бір негіз ретінде пайдаланылмауға тиіс.

4. Тіркелу және сервистерге қол жеткізу

4.1. Сайтты пайдалану тіркелуді талап етпейді. Сайт есептік жазбалар жасамайды және төлемдерді қабылдауды жүзеге асырмайды.

4.2. Клиенттің жеке кабинеті, калькулятор және өзге де операциялық сервистер ala-cargo.com сыртқы ресурсында орналастырылған және тиісті ресурстың жеке құқықтық құжаттарымен реттеледі. Мұндай ресурсқа сілтеме бойынша өту Сайттың және осы Келісімнің шегінен шығуды білдіреді.

4.3. Жеке кабинетке қол жеткізген Пайдаланушы өзінің есептік деректерінің сақталуын және құпиялылығын қамтамасыз етуге міндетті және олардың жария етілу салдарының тәуекелін көтереді. Әкімшілік Пайдаланушылардан құпиясөздерді, растау кодтарын және төлем құралдарының деректемелерін телефон арқылы, мессенджерлерде немесе электрондық пошта арқылы сұратпайды.

5. Өтінімдерді жіберу және байланыс тәртібі

5.1. Сайттың формалары деректерді Әкімшіліктің серверіне автоматты түрде жіберуді жүзеге асырмайды: түйме басылған кезде хабарламаның мәтіні қалыптастырылады, оны Пайдаланушы мессенджер арқылы өз бетінше жібереді. Өтінімді жіберу сәті – Пайдаланушының хабарлама жіберген сәті.

5.2. Өтінім жібере отырып, Пайдаланушы:

1. өзі көрсеткен мәліметтердің анық және толық екенін;
2. егер осындай мәліметтер Өтінімде қамтылса, өзі өкілдік ететін заңды тұлға және үшінші тұлғалар туралы мәліметтерді беруге құқылы екенін және осындай тұлғалардың қажетті келісімдерін алғанын;
3. Құпиялылық саясатымен танысқанын және онда баяндалған шарттарда дербес деректерді өңдеуге келісім беретінін;
4. мессенджер арқылы байланыс үшінші тұлғаның инфрақұрылымын пайдалана отырып жүзеге асырылатынын және деректерді трансшекаралық беруді көздейтінін білетінін растайды.

5.3. Әкімшілік әрбір Өтінімге жауап беруге кепілдік бермейді және толық емес, анық емес мәліметтерді, жарнамалық таратылымдарды, қорлауларды, қоқан-лоққыларды не таратылуы Қазақстан Республикасының заңнамасында тыйым салынған материалдарды қамтитын Өтінімдерді қараусыз қалдыруға құқылы.

5.4. Өтінімді жіберу Әкімшіліктің шарт жасасу міндетін туындатпайды және қандай да бір офертаны акцептеу болып табылмайды.

5.5. Әкімшіліктің ресми байланыс арналары «Байланыс» бетінде көрсетілген. Әкімшілік Пайдаланушының өзге көздерден алынған деректемелер бойынша жүгінуінің салдары үшін жауапты болмайды.

6. Зияткерлік меншік

6.1. Сайт және барлық Контент зияткерлік меншік объектілері болып табылады, оларға құқықтар Әкімшілікке тиесілі не ол оларды заңды негіздерде пайдаланады. Құқықтық қорғау Қазақстан Республикасының Азаматтық кодексімен және «Авторлық құқық және сабақтас құқықтар туралы» Қазақстан Республикасының Заңымен қамтамасыз етіледі.

6.2. ALA, ALA International, ALA Insight, White Import белгіленулері, тиісті логотиптер, фирмалық түстер және фирмалық стиль элементтері Әкімшілікті дараландыру құралдары болып табылады. Оларды жазбаша рұқсатсыз пайдалануға жол берілмейді.

6.3. Пайдаланушыға Сайтты және Контентті тек жеке, коммерциялық емес, ақпараттық мақсаттарда пайдалануға шектеулі, айрықша емес, кері қайтарып алынатын құқық беріледі: қарау, танысу, жеке бетті сақтау немесе оны өз пайдалануы үшін басып шығару.

6.4. Әкімшіліктің алдын ала жазбаша келісімінсіз:

1. Контентті жаңғыртуға, көшіруге, таратуға, жариялауға, қайта өңдеуге, аударуға, оның негізінде туынды материалдар жасауға;
2. Контентті коммерциялық мақсаттарда, оның ішінде жарнамада, коммерциялық ұсыныстарда, тендерлік құжаттамада, таныстырылымдарда пайдалануға;
3. авторлық туралы нұсқауларды, тауар белгілерін, су таңбаларын және құқық иеленушінің өзге де белгіленулерін жоюға немесе өзгертуге;
4. ұқсас ресурстар жасау үшін Сайттың дизайн элементтерін, құрылымын және ресімделуін пайдалануға тыйым салынады.

6.5. ALA Insight бөлімінің материалдарын дәйексөз келтіру мақсатымен ақталатын көлемде дәйексөз ретінде келтіруге дереккөзді көрсету және Сайттың тиісті бетіне белсенді тікелей гиперсілтеме орналастыру шартымен жол беріледі.

6.6. Әкімшілікке материалдарды (мәтіндерді, бейнелерді, құжаттарды) жібере отырып, Пайдаланушы осындай материалдарға өзінің құқықтары бар екенін растайды және Әкімшілікке оларды Өтінімді қарау және шартты орындау үшін қажетті көлемде пайдалану құқығын береді.

7. Сайтты пайдалану қағидалары

7.1. Пайдаланушы Сайтты Қазақстан Республикасының заңнамасын, Әкімшіліктің және үшінші тұлғалардың құқықтары мен заңды мүдделерін бұзбай, адал пайдалануға міндеттенеді.

7.2. Мыналарға тыйым салынады:

1. Сайттың жұмыс істеуіне араласуға, оны иесінің рұқсатынсыз өзгертуге, техникалық шектеулер мен қорғау құралдарын айналып өтуге;
2. Контентті, оның ішінде беру пункттері, мекенжайлар, бағдарлар және баға параметрлері туралы мәліметтерді жаппай көшіру үшін деректерді автоматтандырылған жинау бағдарламаларын (парсерлерді, краулерлерді, боттарды) пайдалануға;
3. Сайттың инфрақұрылымына шамадан тыс жүктеме тудыратын, оның ішінде «қызмет көрсетуден бас тарту» түріндегі шабуылдарды жасауға;
4. Сайт және Әкімшіліктің байланыс арналары арқылы зиянды кодты, спамды, құқыққа қайшы, экстремистік, порнографиялық немесе қорлайтын сипаттағы материалдарды таратуға;
5. өзін өзге тұлға, Әкімшіліктің өкілі, оның қызметкері немесе серіктесі ретінде көрсетуге, сондай-ақ үшінші тұлғаларды жаңылысуға әкеп соғу үшін Әкімшіліктің белгіленулерін пайдалануға;
6. өзге пайдаланушылардың дербес деректерін жинауға;
7. Қазақстан Республикасы заңнамасының талаптарын бұзатын өзге де әрекеттерді жасауға.

7.3. Әкімшілік осы қағидаларды бұзатын тұлғалардың Сайтқа қол жеткізуін алдын ала хабарламай, оның ішінде желілік мекенжай бойынша бұғаттау арқылы шектеуге, сондай-ақ бұзылған құқықтарды қорғау үшін уәкілетті органдарға және сотқа жүгінуге құқылы.

8. Дербес деректер және cookie

8.1. Пайдаланушылардың дербес деректерін өңдеу осы Келісімнің ажырамас бөлігі болып табылатын Құпиялылық саясатына (https://go.ala.kz/kk/privacy.html) сәйкес жүзеге асырылады.

8.2. Cookie файлдарын және оларға ұқсас технологияларды пайдалану шарттары Cookie файлдарына қатысты саясатта (https://go.ala.kz/kk/cookies.html) баяндалған.

8.3. Талдамалық cookie Пайдаланушының келісімі алынғаннан кейін ғана орнатылады. Пайдаланушы кез келген сәтте «Cookie параметрлері» сілтемесі арқылы өз шешімін өзгертуге немесе кері қайтарып алуға құқылы.

9. Сыртқы ресурстар және сілтемелер

9.1. Сайт сыртқы ресурстарға, оның ішінде ala-cargo.com-ға, мессенджерлерге, картографиялық сервистерге, серіктестердің және мемлекеттік органдардың сайттарына сілтемелерді қамтиды.

9.2. Сілтеменің орналастырылуы сыртқы ресурстың мазмұнын мақұлдауды білдірмейді. Әкімшілік мұндай ресурстарды бақыламайды, олардың мазмұнын тексермейді және олардың қолжетімділігі, оларда орналастырылған ақпараттың анықтығы және олардың иелерінің деректерді өңдеуі үшін жауапты болмайды.

9.3. Сыртқы ресурстардан Сайтқа сілтемелер орналастыруға ресурстың тиесілігі дұрыс көрсетілген және пайдаланушылар жаңылысуға әкеп соқтырылмаған жағдайда жол беріледі. Әкімшілік осы тармақты бұза отырып орналастырылған сілтемені жоюды талап етуге құқылы.

10. Сайттың қолжетімділігі және жауапкершілікті шектеу

10.1. Сайт «қалай болса, солай» («as is») қағидаты бойынша ұсынылады. Әкімшілік Сайттың үзіліссіз және қатесіз жұмысына, оның Пайдаланушының кез келген бағдарламалық және аппараттық жасақтамасымен үйлесімділігіне, техникалық үзілістердің болмауына кепілдік бермейді.

10.2. Әкімшілік кез келген уақытта алдын ала хабарламай, оның ішінде профилактикалық және техникалық жұмыстарды жүргізу үшін, Сайттың немесе оның жекелеген бөлімдерінің жұмысын өзгертуге, толықтыруға, тоқтата тұруға құқылы.

10.3. Әкімшілік мыналар үшін жауапты болмайды:

1. Сайтты пайдалану не пайдалану мүмкін болмауы салдарынан туындаған Пайдаланушының залалдары мен айырылып қалған пайдасы;
2. Пайдаланушының Сайттың анықтамалық ақпараты, оның ішінде алдын ала есептеулердің нәтижелері негізінде қабылдаған шешімдері;
3. байланыс операторларының, интернет-провайдерлердің, мессенджер иелерінің және өзге де үшінші тұлғалардың әрекеттері;
4. Пайдаланушы тарапында, оның ішінде оның құрылғысының немесе есептік деректерінің бүлінуі салдарынан орын алған деректердің жоғалуы немесе оларға рұқсатсыз қол жеткізу;
5. еңсерілмейтін күш мән-жайлары.

10.4. Осы бөлімде белгіленген жауапкершілікті шектеулер Қазақстан Республикасының заңнамасында жол берілетін ең жоғары көлемде қолданылады және Әкімшіліктің қасақаналығы мен өрескел абайсыздығы жағдайларына, сондай-ақ тұтынушылардың құқықтарын қорғау және дербес деректер туралы заңнаманың императивтік нормаларында белгіленген жауапкершілікке қолданылмайды.

10.5. Логистикалық қызметтер көрсетуге байланысты міндеттемелер бойынша Әкімшіліктің жауапкершілігі осы Келісіммен емес, жасалған шартпен және Қазақстан Республикасының заңнамасымен айқындалады.

11. Шарттарды өзгерту

11.1. Әкімшілік Келісімнің шарттарын біржақты тәртіппен өзгертуге құқылы. Жаңа редакция, егер редакцияның өзінде неғұрлым кеш мерзім көрсетілмесе, оның Сайтта орналастырылған күнінен бастап күшіне енеді.

11.2. Пайдаланушы Келісімнің өзекті редакциясын өз бетінше қадағалайды. Өзгерістер күшіне енгеннен кейін Сайтты пайдалануды жалғастыру жаңа редакциямен келісуді білдіреді.

11.3. Келісімнің мұрағаттық редакцияларын Әкімшілік сақтайды және уәжді сұрау салу бойынша ұсынады.

12. Қолданылатын құқық, наразылық тәртібі және дауларды шешу

12.1. Осы Келісімге және Сайтты пайдалануға байланысты туындайтын барлық қатынастарға Қазақстан Республикасының құқығы қолданылады.

12.2. Тараптар міндетті сотқа дейінгі (наразылық) тәртібін белгілейді: наразылық жазбаша нысанда Әкімшіліктің мекенжайы бойынша не legal@ala.kz электрондық поштасына жіберіледі. Наразылықты қарау мерзімі – алынған күннен бастап 15 (он бес) жұмыс күні.

12.3. Наразылық тәртібімен реттелмеген даулар, егер Қазақстан Республикасы заңнамасының императивтік нормаларында өзге соттылық белгіленбесе, Әкімшіліктің тұрған жері бойынша Қазақстан Республикасының соттарында қаралуға жатады.

12.4. Келісімнің жекелеген ережесін жарамсыз деп тану қалған ережелердің жарамсыздығына әкеп соқпайды.

13. Тілдік нұсқалар

13.1. Келісім қазақ, орыс, ағылшын және қытай тілдерінде жарияланады.

13.2. Қазақ және орыс тілдеріндегі мәтіндердің заңдық күші бірдей. Ағылшын және қытай тілдеріндегі мәтіндер танысу ыңғайлылығы үшін ұсынылған аударма болып табылады. Ағылшын не қытай тіліндегі мәтін мен қазақ не орыс тілдеріндегі мәтіндер арасында алшақтық болған жағдайда орыс тіліндегі мәтін басым болады.

14. Әкімшіліктің деректемелері

«ALA INTERNATIONAL» жауапкершілігі шектеулі серіктестігі БСН 250640012858 Заңды мекенжайы: Қазақстан Республикасы, Алматы қаласы, Алатау ауданы, Алғабас шағын ауданы, 7-көше, 134/3 ғимарат Телефоны: +7 775 708 88 80 Электрондық поштасы: info@ala.kz Наразылықтарға арналған электрондық пошта: legal@ala.kz Интернет-ресурс: https://go.ala.kz